LEGAZPI CITY – Piglalaomang mas mapapamarhay pa an kapabilidad sa pag-imbestigar kan hepatura nin pulisya sa banwaan kan Daraga.
Ini makalihis na makaresibe an opisina nin mga bagong ekipahe arog kan computer, laptop asin hard drive hale sa lokal na gobyerno.
Segun kay Chief of Police PLt. Col. Edmundo Cerillo, Jr., an itinaong information technology equipment kan lokal na gobyerno, dakulang tabang sa saindang opisina nin huli ta madudugangan o mapapalitan na an luma na.
Mientrastanto, apwera pa kaini, may itatao pa sa hepatura na dugang na body camera asin CCTV sa masunod na bulan.
