LEGAZPI CITY – Katabang kan mga personahes kan Daraga Municipal Police Station an Public Safety Office (PSO) sa pagsagibo nin lakdang nganing masiyerto an seguridad ngunyan na aldaw nin eleksyon.
Segun kay PSO Daraga Chief Vicente Naira, Jr., sinda an pigorden ni COMELEC Election Officer Anddy Toledo na magbantay sa premises kan Daraga Covered Court na saindang Area of Responsibility.
Naggkaigwa na man suboot sinda nin briefing para sa mga officer-in-charge nganing masiyerto man na preparado asin well-coordinated sinda en kaso magkaugwa nin untoward incident.
Sa ngunyan, an lokal na gobyerno kan banwaan, bilog man na nakasuporta sainda orog na sa mga kakaipuhanon na mga kagamitan.