CAMARINES NORTE- Nagtalaga ng Special Lane ang Philippine Statistics Authority (PSA) para sa mga kukuha ng kanilang dokumento na mayroon nang PhilID o National ID.
Alinsunod ito sa Office Memorandum No. 2022-122 na ipinalabas ng ahensiya.
Dahil dito hindi na kailangang mag- book ng appointment ang mga kukuha ng PSA documents.
Dalhin lang ang original na PhilID Card at photocopy nito at ipresenta sa PSA kung kukuha ng dokumento o dokumento ng mga menor de edad na anak.
Nilinaw naman ni Camarines Norte Chief Statistical Specialist Maria Dulce Padayao na hindi ito applicable sa Provincial Field Office dahil walang online service.
Sa Naga at Legazpi lang umano ito kung saan nandoon ang online service para sa mga kukuha ng civil registry documents.
Nasa mahigit 35, 000 pa lang ng mga taga Camarines Norte ang nakakatanggap ng National ID sa mahigit 440, 800 na nakapagparehistro.
Patuloy din ang ginagawang step 2 registration sa lalawigan.
