Umapela si Pangulong Rodrigo Duterte ng pagkakaisa at dasal para sa recovery ng bansa at paghilom ng sangkatauhan.
Sa mensahe ng Pangulo na inilabas kasabay ng Pista ng Itim na Nazareno ay ipinunto niya na hindi makakalahok ang mga deboto ngayon sa Traslacion na nagmarka sa naturang selebrasyon sa loob ng ilang siglo.
Pero sa kabila nito ay sinabi ng Pangulo na hindi dapat matigil ang pagpapakita ng panata sa pamamagitan ng pagdarasal para sa “recovery” at “complete healing”, lalo na mula sa epekto ng COVID-19 pandemic.
Mababatid na idinaos ang Pista ng Itim na Nazareno nitong January 9.
Pero dahil sa pagtaas ng COVID-19 cases, ay nakansela ang prusisyon ng imahen ng Itim na Nazareno mula Quirino Grandstand hanggang Quaipo Church.
