Arestado ro Western Visayas Number 1 most wanted person kaina it kaaganhun sa nabukid nga lugar it Sitio Antolihawan, Barangay Toyungan, Calinog, Iloilo.
Ginkilaea ro suspek nga si Joel Leyble, 29yo, single ag residente it Barangay Toyungan, Calinog, Iloilo.
Suno kay Police Brigadier General Flynn E Dongbo, Police Regional Office 6 Director, si Leyble hay inaresto sa bisa it Warrants of Arrest sa kasong three counts of Rape, nga owa it ginrekomenda nga piyansa ag sa hana nga pagpatay ku November 9, 2021, nga may rekomendadong piyansa nga P120,000.00.
Natabo ro mga insidente it pagpanghimueos ku Abril 2020 ag Enero 2021.
Samtang ro hana nga pagpatay hay natabo ku Mayo 12, 2021 kung siin binaril it akusado ro biktima nga si “alyas Sonny” gamit ro caliber .45 pero owa nag eupok ro anang baril. / ANN DESLENE SALAZAR
