Tinapos na ng grupong Manibela ang inumaga nang Protest Caravan sa Welcome Rotonda sa Quezon City.
Ayon kay Manibela Chair Mar Valbuena, batid nito na ang kanyang mga miyembro ay nakaramdam na ng pagod dahil ang iba ay galing pang Central Luzon at CALABARZON.
Payo ni Valbuena sa kanyang mga miyembro, mag-ipon ng lakas para sa susunod na malaking protesta laban sa PUV modernization.
Sa huli, nagpasalamat ito sa lahat ng kanyang mga miyembro na nakibahagi sa transport caravan.
