Nakabalhag sang 8.9% nga pagnubo sa produksyon sang palay ang probinsya sang Capiz sang 2023 kun ikumpara sa 2022, base sa datos sang Philippine Statistics Authority.
Nagdangat lamang sa 323,281 MT ang narekord nga naani sa ulumhan kun sa diin 91,751 MT ang gikan sa irrigated, samtang 231,530 naman ang rainfed sang 2023, mas manubo sa 354,849 MT nga naani sang 2022.
Samtang, nagnubo naman ang area sang mga palayan nga gin-anihan sa 6.34% ukon 105,163 hektaryas lamang, kumpara sa gin-anihan nga 112,283 hektaryas sang 2022.| Frances Joy Preciosa
