Nagapabilin sa paghinakop sang Roxas City Police Station ang isa ka 43-anyos nga lalaki matapos nabaklan sang iligal nga armas luthang sang police poseur buyer sa Brgy. Punta Tabuc, Roxas City takna alas 11:05 sang udto, Huwebes, Agosto 8.
Ginkilala ang nadakpan kay Jerald Perra, wala sang trabaho kag residente sang Brgy. Culasi apang temporaryo nga nagatiner sa Hermano Sudb, Brgy. Punta Tabuc, Roxas City.
Nabaklan ini sang caliber .38 homemade revolver nga wala sang serial number sa balor nga P2,600. Nakuha pagid sa iya paghinakop ang isa ka sling bag nga itom kag tatlo ka cartridges sang .38 caliber.
Bangud sini, magapangatubang ang nasambit nga suspetsado sang nagakaigo nga mga kaso. | Judy Ann Juare
