Gindeklara na nga hilway sa Avian Influenza ukon Bird Flu ang bug-os nga probinsya sang Capiz.
Ini suno sa Memorandum Circular No. 27, Series of 2023, nga ginpirmahan ni Senior Undersecretary Domingo F. Panganiban sang Department of Agriculture, sang nagligad nga Hulyo 4, 2023.
Masobra 90 diyas na ang makaligad matapos ang paglimpyo kag pagdisimpektar sa pila ka mga lugar sa bug-os nga probinsya, wala na sang may nagdugang nga napagkit ukon ginasuspetsahan nga kaso sang Highly Pathogenic Avian Influenza (HPAI) Subtype H5N1 ukon mas kilala sa twag nga Bird Flu.
Nasambit sa sini nga deklarasyon nga tungod sa maabtik nga aksyon sang probinsya sa pagpangunga ni Governor Fredenil Castro, kaupod ang Local Government Units, Department of Agriculture kag Bureau of Animal Industry pagkatapos mapagkit ang bugtong nga kumpirmado nga kaso sang Bird Flu sang tinalikdan nga Disyembre 2, tuig 2022 sa Brgy. Dayao, syudad sang Roxas, natigayon matapna sa gilayon ang paglapta sang nasambit nga balatian.
