Mangin mainuranon sa gihapon rugya sa probinsya tubtob sa Mayo 31 bangud sa paglaslas kang Bagyong Aghon suno sa Provincial Disaster Risk Reduction and Management Office.
Suno kay Broderick Train, tagpamuno kang PDRRMO ginpahayag kadya nga wara man kang direkta nga epekto sa probinsya ang nasambitan nga bagyo apang nakapanghanda naman ang talatapan lakip ron ang 18 ka mga munisipalidad para sa hinali nga mga emerhensya.
Dugang na pa, matawhay ang mga karsadahon coastal man ukon ang nabukid nga mga dalanon sa bug-os bnga proyekto kag padayon ang pag-monitor kang talatapan. Nagpahanumdom man ang opisyal nga mag-andam ilabi ron sa pagbyahe bangud madanlog ang karsada.