Gibutyag sa Police Regional Office-7 nag dili ipa-tinted ang ilang mga patrol cars alang transparency ug aron makita kong kinsa ug unsay gibuhat sa nagsakay sulod sa mga patrol cars.
Ang maong lakang sa PRO-7 nitumaw gumikan sa duha ka pulis sa Abellana Police Station nga natulog sa patrol car samtang nag-duty unya nakuhaan og hulagway ug ni-viral sa Facebook.
Matud ni Lieutenant Colonel Gerard Ace Pelare, tigpamaba ni Police Brigadier General Anthony Aberin, hepe sa Police Regional Office-7 nga sa paglingkod ni Aberin sa katungdanan giklaro niini ang pagbalik sa basics ug apil na niini ang paghimo ug tarong sa ilang trabaho ug dili matulog.
Samtang posibleng masuspenso sa trabaho ang duha ka pulis kon mapamatud-an sa ilang gihimong imbestigasyon nga adunay nahimong kalapasan.//
