Bangud sa ginpabaskug nga kampanya kontra sa loose firearms sa Western Visayas, ro Police Regional Office (PRO-6) hay nakaaresto it kabilugan nga 195 katawo bangud sa pag-eabag sa firearm law, halin it Enero hasta Abril 2022.
Sa nasambit nga numero it mga naaresto, 67 kara ro halin sa Negros Occidental; 38 sa Iloilo; Criminal Investigation and Detection Group – Regional Field Unit 6 – 27; Antique – 15; Capiz – 13; Bacolod City – 11; Aklan – 10 ag Iloilo City ag Guimaras nga may tig-pito.
Samtang, kabilugan nga 993 loose firearms ro nakumpiska, narekober ag ginsurender sa sueod it ap-at nga buean.
Para man sa mga baril nga may expired nga lisensya, kabilugan nga 316 nga magkaibang kalibre ro na-turn-over sa sari-sari nga unit it pulisya sa bilog nga rehiyon samtang naka-pending ro pag-renew it andang lisensya. / ANN DESLENE SALAZAR
