Umpisa makarun nga adlaw Enero 9 hay nagpatigayun eon ro Police Regional Office (PRO-6) it checkpoints para ipatuman ro Commission on Elections (Comelec) gun ban kaangot sa pag-umpisa it election period.
Gintaeana it Comelec Resolution No. 10741 ro checkpoint guidelines, base sa pamunuan it PRO-6.
Dapat segun nga may una nga bisan sambilog nga Comelec checkpoint sa kada syudad o munisipalidad.
Ro mga checkpoint hay dapat nga mahayag ag maayos nga matumod para kung sin-o man ro magaagi kanda hay madali nga makilaea ro AFP ag PNP uniformed personnel nga nagapanguna sa mga checkpoint gamit ro andang mga nameplates ag iba pang mga identification tag nga klaro nga nakikita ag nababasa. / ANN DESLENE SALAZAR
