Gitakdang aporan sa lokal nga panggamhanan ning syudad sa Davao og Personal Protective Equipment ang mga private hospitals nga nagadawat og Covid-19 lakip kadtong dunay Covid-19 bed allocation.
Gilangkuban kini sa 6000 pieces nga N95 masks, 6,000 pieces face shields, 3,400 boxes sa facemask, 23,000 pieces sa foot cover, 5,700 pieces sa head cap, 13,600 pieces sa isolation gown, 9,000 pieces sa PPE suit, ug 600 boxes sa gloves.
Pito ka mga ospital nga nagadawat og COVID-19 patients ug laing siyam nga dunay COVID-19 bed allocation sukad sa bulan Hunyo karong tuiga.
Kini gilangkuban sa Davao Doctors Hospital, Metro Davao Medical and Research Inc., Davao Medical School Foundation, San Pedro Hospital, Adventist Hospital Davao, Malta Medical Center, Inc., ug Medical Mission Hospital.
Samtang ang mga ospital usab nga dunay COVID-19 bed allocation alanmg sa mga Covid-19 beneficiaries mao ang ang Alterado General Hospital, St. John of the Cross Hospital, Anda Riverview Medical Center, Cure Philippines Inc., Davao Mediquest Hospital Inc., Gig Oca Robles Seamens Hospital, Holy Spirit Community Hospital, Isaac T. Robillo Memorial Hospital, ug Ricardo Limso Medical Center, Inc.
Una nang nihangyo ang local nga pangamhanan sa Department of Health nga hatagan og dugang PPEs ang mga ospital sa syudad nga nagadawat og pasyente sa COVID-19.
