LEGAZPI CITY – Kinumpirmar kan Albay Veterinary Office (AVO) an pinakaprimerong kaso nin African Swine Fever (ASF) sa Ligao City.
Segun kay Provincial Veterinarian Dr. Pancho Mella, nasa surveillance na ngunyan an saindang opisina sa lugar, alagad pigklaro kaini na dai pa man sinda masagibo nin mass culling huli ta apwera sa pig-iidentipikar o pig-aassess pa ninda ini, saro pa man sana ining positibong kaso asin dai pa man naglalakop.
Kun magigirumduman, nasa red zone category an Tiwi, huli sa nairehistrong mga kaso nin ASF asin sa ngunyan, nababanga na an grupo kan AVO para sa padagos asin mahigot na magbantay sa duwang magkaseparar na lugar sa probinsya na igwang kaso kaini.
