SORSOGON CITY – Magiging sapat pa rin ang suplay ng tubig sa bawat bahay sa lungsod, ito ay sa kabila ng napipintong pagbukas ng SM mall sa susunod na taon, ito ang naging pahayag ng Branch Manager ng Prime Water Inc. na si Engr. Henrickson Latonio nang makapanayam ng Brigada News FM-Sorsogon.
Paliwanag nito, umano’y nasa 600 cubic meters /day ang capacity na kakailanganin na tubig ng nasabing mall at kayang kaya pa umano ito ng kanilang mga water sources dahil kaya nilang mag suplay ng hanggang 3000 cubic meters/day.
Aniya pa, nakahanda na rin ang kanilang bagong water sources sa distrito ng Bacon na kayang magbigay ng hanggang 5000 cubic meters sa lahat ng member consumers.
