Sa alima eon makarun it mga otoridad ro primary suspek sa pagbuno-patay sa biktimang si Marissa Flores nga tag ana it sari-sari store sa Crossing Buswang, Kalibo, Aklan ku Enero 6, 2024.
Sa ginpatigayun nga presscon it Kalibo MPS ginhayag ni PLTCOL RICKY BONTOGON, OIC it Kalibo MPS, nga ginakabig nanda rayang manami nga development sa kaso eabi pa ag nagtao eon it salaysay ro primary suspek nga owa anay ginpangaeanan.
Boluntaryo segun nga nagsurender sa mga otoridad ro primary suspek ag inako kara ro ginhimo nga kremin sa biktima.
Base segun sa salaysay it prime suspect, matapos sanda nga bumakae it daywang bote it aeak sa baraka it biktima, hay bumakae raya it sigarilyo ag kat nagpangayo it lighter para magsindi hay dikara eon nag umpisa ro mainit nga diskusyon sa tunga nanda it biktima.
Gin akigan segun imaw it biktima ag owa ginpasindi ngani naakig ro suspek ag ginbuno si Flores. // ANN DESLENE SALAZAR
