Kaangot sa sambilog pang person of interest partikular ro kaibahan it primary suspek, nga nagserbing driver it motorsiklo, nauna eon rayang nagpaeapit sa Kalibo MPS para magtao it anang salaysay.
Suno kay PLTCOL RICKY BONTOGON, OIC it Kalibo MPS, kung pagabasehan ro salaysay it ikaywang suspek, pwede rayang ubrahon nga witness kontra sa primary suspek.
Nakita it mga pulis nga “less guilty” ro ikaywang suspek bangud owa segun kara ginaeauman nga paga patyon it primary suspek ro biktimang si Marissa Flores.
Inako man segun it primary suspek nga owa it kahilabtanan sa insidente ro ikaywang suspek.
Ginhambae man it primary suspek nga dinaea kara ro arinola it biktima nga may sueod nga kwarta nga masobra P300 ag ginhaboy raya sa suba sa Mobo bridge pati ro ginamit nga bladed weapon.
Regular filing eon ro matabo sa pag file it kaso sa mga suspek.
Matandaan nga umabot eon sa P100,000 ro pabuya sa makaturo sa mga suspek.
Ro nasambit nga pabuya hay naghalin kay Kalibo Mayor Juris Sucro ag Senator Raffy Tulfo. // ANN DESLENE SALAZAR
