NAGAPADAYON ang voters registration sa Comelec alang sa katawhan nga gustong mobotar sa umaabot nga 2022 Election.
Sa Comelec Gensan mokabat gihapon sa 312 ang ilang nadawat nga aplikasyon sa adlaw nga holiday kaniadtong Oktubre 18 adlaw nga Lunes.
Sa kumpermasyon ni City Comelec Officer Atty. Sittie Sharmaine Papandayan Garangan padayon ang ilang registration sa ilang opisina samtang wala pa silay nadawat nga aplikasyon alang sa substitution sa mga nagduso og Certificate of Candidacy kon COC.
Sa bahin sa Comelc Polomolok gikumeprma usab ni Election Officer 4 Anwar Paidumama kaniadtong Lunes nga holiday mokabat sa 52 ang ilang nadawat nga aplikasyon, sugod Oktubre 11-15 adunay 625 ka aplikasyon ang ilang nadawat, 264 ang new, 220 ang transfer samtang 9 ang change status ug 8 ang corrections.
Ang gitakdang mall registration sa Comelec Gensan sa umaabot nga Oktubre 25-30 sa Robinsons Mall.
Gidugang ni Paidumama nga nagpasabot matud pa kini nga ingon ani ka daghan ang dili makabotar kon wala gilugwayan ang voter registration, ang lugway hangtud Oktubre 30 sa kasamtangan nga tuig. ( Ver Diazon)
