NAGPABILIN sa P320 pesos ang presyo sa karneng baboy sa merkado gumikan sa epekto sa pagmahal sa farm gate price ug sa ilang gastos sa delivery.
Sa kasamtangan nga price list sa Meat Vendors Multipurpose Cooperative sa Gensan sa pork belly- P320 pesos matag kilo, sa laman P310 pesos, ang kasim, abaga-P310 pesos, pork chop- P310 pesos, pata- P280 pesos, ribs-P280 pesos, mascara-P280 pesos, soup bones-P220 pesos, atay-P170 pesos, laman loob- P130 pesos ug impelya -P140 pesos matag kilo.
Sumala sa usa ka mamalitay nga si Juvy Lopez gikan sa barangay West nga kon pila lang ang makaya sa ilang kwarta mao lang ang ilang paliton, kanunay usab sila isda kay mahal ang karne sa baboy.
Sumala usab sa usa ka meat vendor nga si Rose Lubaton nga wala man nawala ang ilang mga customer usahay naga-angal ang uban apan gumikan nagahatag og update ang ilang presidente nga si Toto Mosqueda sa Brigada nasayod nang daan ang uban sa ilang customer kalabot sa kasamtangan nga usbaw sa presyo. I Ver Diazon
