GIREKLAMO sa usa ka grupo sa demolition team nga miapel sa demolisyon sa Purok Mudia, Barangay Labangal, GenSan nakalabay’ng adlaw human wala sila gibayaran sa nagkontrata kanila.
Matud ni alyas Boy, mihangyo nga itago ang pangalan 30 sila katao sa gikan sa Polomolok, South Cotabato nga gikuha aron modemolis.
Misugot sila gumikan sa tanyag nga P1,000 matag adlaw wala nasulti kanila nga wala diay mandu sa korte ang ilang himoon.
Gisugal nila ang ilang kinabuhi sa buthanay og pusil atol sa demolisyon apan wala gihatag ang ilang suhol. Ilang kauban sa grupo ang usa pa katao nga samaron sa nahitabo nga kasamtangang naaospital.
Sa bahin ni Ronilo Taculod usa sa nangulo sa pag-demolis sa lugar, wala niini direktang gisulti kung nabayaran na ang mga mireklamo.
Apan gibutyag nga duna nay salapi nga ibayad sa mga nasangpit ug nakatapal pa kinit ungod nadungagan ang ihap sa miapel sa demolisyon.
Una nang, gibutyag ni Danny Mudia, residente sa lugar nga walay court order ang pagdemolis sa 16 ka balay sa lugar. Ang kaso kalabut sa luna ang kasamtangan pa nga naa sa korte sa dakbayan. Kahibaloan nga sa nahitabo, usa ang patay duha samaron human sa buthanay dungan sa demolisyon. I Richel Gubalani
