Base sa kumpirmasyon ni Department of Trade and Industry (DTI 6) Dir. Judith Degala, uwa it pagbag-o sa presyo it mga basic necessities sa kabieogan nga siyudad ag probinsiya it Iloilo sa pihak it sunod-sunod nga pagtaas it presyo it produktong petrolyo sa merkado.
Nagahiwat ro DTI 6 it monitoring kada dominggo agud mabantayan ro presyo it mga baeakeon sa lugar samtang, kada buean man sa kabieogan nga probinsiya.
Sa presente, uwa pa it advisory nga nabaton ro DTI 6 sa posibilidad nga magtaas ro Suggested Retail Price (SRP) it mga baeakeon.
Ginpahayag man nana nga gina-istudyuhan pa it andang national office kun kinahangean nga i-consider ro pagpataas it presyo sa mga baeakeon./JIL B. LACSON
