Ginkumpiska it Antique African Swine Fever Task Force (AASFTF) ro 13 bote ag 16 pakete it sarsa, 22 delata, 3 canned liverspread ag 3 packs it mga instant noodles nga ginapatihan nga mga produktong baboy halin sa mga lugar nga kontaminado it ASF.
Insigida man nga ginsunog ag gineubong it mga personnel it Office of the Provincial Veterinarian (PROVET) ro mga nasambitan nga produkto.
Base kay PROVET Senior Agriculturist Dr. Francisca Huele, ku nagtaliwan nga buean, nagpanupod eun sanda it kopya it Provincial Ordinance No. 2020-242 nga nagabawae sa pagbakae ag pagbaligya it mga produktong baboy kapin kung halin raya sa mga lugar nga kontaminado it ASF.
Ginamonitor man it PROVET ro pagbaligya it mga produkto it baboy online, kapin makara hay paeapit eun ro Paskwa.
Ro mga indibidwal nga mageapas sa Provincial Ordinance No. 2020-242, “African Swine Fever Prevention Ordinance of Antique” hay pagamultahon it Php 5, 000 o sambilog ka dag-on nga pagkapreso./JIL B. LACSON
