Nakikita ni Presidential Adviser for COVID-19 Response Vince Dizon na masyado pang maaga ang pagrerequire ng booster cards sa mga establisyemento, sa gitna ng mababang bilang ng mga Pilipino na nakakuha ng karagdagang proteksyon laban sa virus.
Tinutukoy ni Dizon ang pahayag ni Presidential Adviser for Entrepreneurship Joey Concepcion, na inilarawan nitong mas mabilis na paraan na makapagtayo ng wall of immunity laban sa virus.
Pagbabagi ng COVID-19 response official, nasa walong milyon palang ang mga nakatanggao ng COVID-19 boosters.
Sa gitna nito, hinikayat ng opisyal ang mga private sector at si Secretary Concepcion na tumulong na isulong sa mga tao ang pagkuha ng booster shots.
Sa ngayon, halos 60 million Filipinos ang kompleto na ng kanilang primary doses, pero kailangan pang ma-fully vaccinate ng gobyerno ang nasa 90 million bago matapos ang termino ni Pangulong Rodrigo Duterte. //MHEL PACIA-TRINIDAD
