KALIBO, AKLAN—Ginaeauman nga magaabot hin-aga nga adlaw sa Iloilo City sanday Presidential Spokesperson Harry Roque ag vaccine czar Carlito Galvez agud nga pangunahan do turn-over it COVID-19 vaccines ag equipment’s.
Suno kay Mayor Jerry Trenas, pila sa mga pagausuyan it solusyon nanday Roque ag Galvez hay do kakulangan it bakuna, unpaid bills it PhilHealth sa mga ospital, kakueangan it medical personnel, COVID-19 vaccines ag equipment kapareho it ventilators.
Kung madumduman, nauna eon nga nag-apela do grupo it mga negosyante, doctor, abogado ag mga jeepney drivers sa National IATF nga buligan do siyudad bangud sa padayon nga pagsaka it kaso it COVID-19. // SHERRY ANNE REUNIR-VIDAL
