NAGPAHIGAYON og routinary inspection ang labaw sa Internal Affairs Service kon IAS sa General Santos City Police atol sa Sunday Lockdown.
Naabtan sa Brigada si Atty. Richard Opinion sa Pendatun Police Station nga naga-inspection sa gawas ug sulod sa estasyon,sa mga selda ug bisan sa pansayan.
Sa paghinabi sa 89.5 BrigadanewsFM Gensan kay Opinion sumala niini nga kabahin lang sa ilang trabaho ang pag-inspection, dili lang sa mga estasyunan sa kapulisan kondili lakip na sa mga checkpoints sa kadalanan.
Atol sa interview niabot ang patrol sa Pendatun PNP kuyog ang mga tawong nadakpan nga nigawas sa ilang balay bisan sa Sunday lockdown unya walay paigong rason.
Gidayeg kini ni Opinion kay pamatuod kini nga nagahimo ang kapulisan sa ilang trabaho sa pagpatuman sa health protocol ug sa Sunday lockdown sa syudad aron mabatukan ang pagkatag sa COVID-19. Gipasalamatan usab ni Opinion ang Cyklista at Motorista ng Pilipinas kun CYMPIL nga kanunay nagatabang sa kapulisan. ( Ever Diazon)
