Gilaumang masugdan na ang konstruksyon sa modernong fishport sa syudad sa Mati nunot sa gipahigayong ground breaking ceremony sa niaging Sabado dungan sa pagsaulog sa 14th Cityhood Day ug 18th Pujada Bay Festival.
Ang Mati City Fishport mahimutang sa old fishport sa Purok Calagundian sa Madang nga dunay gilapdong lima ka ektarya g gilaumang mahimong major hub sa industriya sa pagpanagat sa Mindanao.
Tumong usab sa fishport project nga mapalig-on pa ang pagsuplay sa isa sa Mindanao kaabaga ang GenSan ug Davao isip mother ports sa Davao Region kauban ang Malalag, Panabo, Mati ug Tagum.
Ang nasangpit nga proyekto gipondohan sa Philippine Fisheries Development Authority (PFDA) og P150 million nga ipaagi sa P75 million multi-year implementation.
Gawas sa inisyal nga P75M funding gikan sa PFDA, ang Kongreso mitagana og P225 million alang sa Mati fishport project pinaagi sa Bayanihan 3 budget proposal nga nakapending pa ang approval sa Senado.
Pinaagi sa gidugang nga budget, gibutyag ni Mati City Mayor Michelle Nakpil Rabat nga usa ka modernong fishport ang proyekto nga dunay wharf, storage facility, laklip food processing, packing ug canning aroan masigurado ang food security dili lamang sa syudad apan lakip na sa ubang rehiyon. BNFM-DAVAO
