NAGPAHIGAYON og surprise inspection ang personahe sa Municipal Environment and Natural Resources Office o MENRO ug ang taga Barangay Glamang, Polomolok sa mga poultry farms gumikan sa kadaghang Langaw.
Sumala kay MENRO Enforcer Jomar Gigante nga usa ka poultry farm sa Purok 3, Brgy. Glamang ang labihan ka daghan sa mga langaw.
Gumikan niini nag isyu sila og Citation Ticket batok sa mao nga farm, ang matag usa ka kasupakan sa balaud partikular sa Household Control Code adunay multa nga P1,500 pesos.
Sa bahin sa Poultry Farm sumala sa incharge nga si Jeff Capatoy nga naatol sa pag inspection nga wala pa nakuha ang mga hugaw nga ginahimo nga abuno.
Nangayo usab kiini og dispensa sa katawhan sa Brgy. Glamang.
Gikumperma ni Kagawad Dinnes Empleo nga subli sila nga magtagbo sa barangay sa tag-iya sa poultry farm aron hisgutan ang mas maayo nga pamaagi sa pag control sa mga langaw. I Ver Diazon
–
