GIHUGTAN sa PNP- Maritime ang pagbantay sa kadagatan human sa pagkasikop sa multi l- million kantidad sa gituohang ismagol nga sigarilyo.
Butyag ni Police Chief Master Sargeant Michael Gagarin, labaw sa PNP- Maritime sa Glan, Sarangani Province, hugot nilang gibantayan ang boundary sa Indonesia.
Asa sagad sa naimbargo nga mga ismagol nga sigarilyo ang gikan sa maong nasud. Ginagamit nila ang mga high- speed watercraft sa pagpahigayon og patrolling sa kadagatan. Kahibaloan nga naa sa P1.2 milyon kantidad sa smuggled nga sigarilyo ang naimbargo sa otoridad dungan sa operasyon atong Nobyembre 17. I Richel Gubalani
