Nag-alok ng tulong ang Portugal sa Pilipinas upang malabanan ang African Swine Fever, isang sakit na nagpapababa ng populasyon ng baboy sa bansa.
Ipinaabot ni Portuguese non-resident Ambassador to the Philippines, Maria João Falcão Poppe Lopes Cardoso ang alok na tulong nang mag-courtesy call ito kay Speaker Ferdinand Martin Romualdez kahapon.
Bukas din daw ang pinto ng bansa para tumanggap ng mga manggagawang Pilipino.
Sinabi ni Romualdez , na ipaparating nito ang alok na tulong ng Portugal sa mga kinauukulang ahensya sa ilalim ng Executive Department, gayundin sa iba pang mga inisyatiba upang mapalawak ang bilateral trade and cooperation sa mga larangan ng teknolohiya at depensa ng dalawang bansa. //CA, edited MHEL PACIA
