KALIBO, AKLAN—Masobra 600,000 eon do kabilugan nga populasyon it probinsya it Aklan.
Raya hay base sa resulta it 2020 Census of Population and Housing nga ginpatigayon it Philippine Statistics Authority kun sa siin umabot sa 615,475 do populasyon sa Aklan hatsa ku May 1, 2020 ukon mataas it 40,652 sa 2015 population nga 574,823.
Sa 17 bayan sa Aklan, do banwa it Kalibo do may pinakamaabo nga populasyon nga 89,127, ginasundan it Malay nga may 60,077, Ibajay (52,364), New Washington (47,955) ag Nabas nga may 40,632 samtang do Lezo hay imaw do may pinakamanaba nga populasyon nga 15,639.
Sa 327 man nga barangay sa Aklan, do Brgy. Manoc-Manoc sa isla ng Boracay do nakalista it pinakamataas nga populasyon nga nagaabot sa 20,504 ag do Capataga sa banwa it Malinao do may smallest population nga may unang 53 persons.
Nasayuran nga do nasambit nga datos it populasyon ku 2020 gay gindeklara nga opisyal ni Pangoeong Rodrigo Duterte ku July 6, 2021 kasunod it Proclamation No. 1179. // SHERRY ANNE REUNIR-VIDAL
