Gikabalaka karon sa grupo sa mga doktor sa Davao ang mamahimo unyang resulta sa ginapahigayong political rallies nag posibleng maoy hinungdan sa pagkatag sa COVID-19.
Sumala kang Dr. Jose Beltran, president sa Metropolitan Davao Medical Society Inc., dako ang tsansa nga mahimong superspreader ang mga rally sa higayon nga mapakyas ang mga organizers ug otoridad sa pagpatuman sa gitakda nga kapasidad sa mga venues ug social distancing.
Tungod niini giawhag ni Beltran ang mga organizers sa mga partido ug pulitiko nga mas maayong ipaagi nalang sa online ang susamang gimbuhaton aron malikayan ang pisikal nga kontak sa mga tawo.
Kahibaluang sa Davao City, gisugdan na sa ubang mga taga-supurta sa mag midagan sa national position ang kalihukan pinaagi sa gilusad nga car mobilization kagahapong adlawa. BNFM-DAVAO
