Nagpungko na bilang bag-o nga hepe sang Ivisan Municipal Police Station si Police Major Ruby Magallanes ang anay tagpamaba sang Capiz Police Provincial Office.
Ginpangunahan ni Provincial Director Police Colonel Jerome Afuyog Jr. ang Turnover of Command Ceremony sa Ivisan Municipal Building.
Gintal-usan ni Magallanes si Police Lieutenant Rey Jason Gimeno bangud magaretiro na ini sa serbisyo.
Sa interview sang Brigada News FM Roxas City kay PMaj. Magallanes, iya ginpahayag nga antes siya nagpungko bilang tagpamaba sang CPPO, nagserbi man siya bilang hepe sang Pilas MPS sa sulod sang masobra duha ka tuig, nangin hepe man ini sang Panay MPS, Former Deputy Chief sa Roxas City PNP kag madamo sang iban pa.
Ginpahayag dugang sang natungdan nga preparado ang mga kapulisan sa Capiz kag ang pila ka mga partner agencies agud nga mapabilin nga matawhay kag malinong ang pagahiwaton nga BSKE 2023. | Judy Ann Juare
