Mainit nga gin-abi abi ni Mayor Neri Yap si Police Major Ruby Magallanes bilang bag-o nga hepe sang Ivisan Municipal Police Station.
Sa interview sang Brigada News FM Roxas City kay Mayor Yap, iya ginpahayag nga nagalaom siya nga mapadayon ni Magallanes ang gin-umpisahan ni Police Lieutenant Rey Jason Gimeno kag mamentinar ang kalinong kag katawhay sang ila banwa.
Ginasiguro man ni Yap nga magasuporta ang lokal nga gobyerno sang Ivisan sa mga kapulisan.
Dugang pa sini, apisar isa ka matawhay nga banwa ang Ivisan dapat preparado gid ang mga kapulisan sa tanan nga oras sa pagresponde sa mga wala ginalauman nga hitabo ukon emerhensya.
Naghatag man sang mensahe si Yap sa mga pumuluyo nga magkooperar para sa peace and order situation. | Judy Ann Juare
