DILI posas kung dili rosas ug shape heart nga balloon ang bitbit sa kapulisan sa GenSan ug Sarangani Province karong Valentine’s day.
Sa GenSan, gipangutana ni Police Col. Nicomedes Olaivar Jr., director sa City Police Office (GSCPO) ang pagpanghatag og bulak sa mga motorista. Matud ni Olaivar Jr., gilibot suroy nila ang mga lugar sa siyudad aron tunolan og bulak ang mga matagbuan nga mga indibidwal.
Samtang sa Sarangani, gawas sa paghatag og bulak sa mga motorista sa checkpoint Baluntay, Alabel Sarangani, gibisita usab sa mga pulis ang mga senior citizens sa Barangay Kawas.
Butyag ni Police Lt. Col. Edgar Yago, deputy provincial director for administration sa Sarangani Provincial Police Office (SPPO) tumong niini ang pagpakita na og pag-ila sa nahitabo sa senior citizen sa komunidad. Dugang sa mga opisyal paagi usab nila ang aktibidad aron ipabati nga ang Valentine’s ang selebrasyon sa gugma ug pagkamahinatagon dili lang alang sa dunay romantic nga relasyon kung dili alang sa tanan. I Richel Gubalani
