DUNGAN sa sunod-sunod nga insidente sa pagpanulis ug pagpamusil-patay sa GenSan, gipulong sa labaw sa kapulisan ang mga sakop. Gipatawag ang hepe sa napulo ka presinto sa siyudad lakip na ang labaw sa City Intelligence Unit ug City Police Drug Enforcement Unit.
Matud ni Police Col. Nicomedes Olaivar Jr., director sa GenSan City Police Office (GSCPO), nahisgotan nila ang update sa mga nahitabong insidente sa siyudad.
Lakip na ang pagmugna og estratehiya aron mapugngan o makonhuran ang gakahitabo sa dakbayan.
Una nang, giangkon ni Olaivar Jr., nga gikonsidera nila ang pag-reshuffle sa mga hepe dungan sa maong mga panghitabo.
Apan sa karon, giangkon niini nga prayoridad nila ang paghimo og mga lakang aron magpugngan nga mahitabo ang susamang krimen. I Richel Gubalani
