Pinayuhan ng PNP ang mga mamamayan na maging mapanuri sa mga tawag sa telepono ng mga di kilalang indibidwal na posibleng isa sa mga uri ng vishing scam.
Ito ay makaraang may mga residente na rin ng Olongapo ang sinusubukang biktimahin sa pamamagitan ng pagtawag at pagkuha ng bank accont number, one time pin at iba pa.
Ayon kay Asst. Regional Anti-Crime Unit Chief PLTCOL.John Loretcha, marami na sa mga suspek sa ganitong modus ang naipakulong ng mga complainant na nakuhanan ng hindi bababa sa 200-thousand pesos.
Payo ni Loretcha, bukod sa huwag magbibigay ng sensitive information ay impormahan agad ang bangko tungkol dito at magsumbong sa mga pulis.//Christian Andres-BNFM OLONGAPO
