Naiulat ng Philippine National Police na nadagdagan ng 173 ang bilang ng mga tauhan nito na tinamaan ng COVID-19 na dahilan para tumaas ang kabuoang bilang nito sa 29,948.
Sinabi ng PNP na umangat rin ang recoveries sa 28,743 matapos ang paggaling ng 120 na karagdagang pasyente.
Nanatiling nasa 80 naman ang death toll ng PNP.
Sa ngayon ay meron pang 1,125 na aktibong COVID-19 cases mula sa hanay ng pambansang pulisya.
Mababatid na pumalo na sa mahigit 1.56-million ang bilang ng mga naitalang COVID-19 cases sa buong bansa, mula nang magsimula ang pandemya.
Kabilang na sa nasabing bilang ang mahigit 1.47-million na recoveries at 27,318 na death toll.
