Nakikipag-ugnayan na ang Philippine National Police (PNP) sa kanilang counterparts sa ibang bansa kaugnay ng impormasyon na nakalabas na umano ng bansa si dismissed mayor Alice Guo.
Ayon kay PNP Public Information Office Chief Col. Jean Fajardo, ito’y matapos lumutang ang iba’t-ibang bersyon na nasa Singapore o nasa Malaysia o Indonesia si Guo.
Sinabi ni Fajardo, ginagawa ng PNP ang lahat para tuloy-tuloy na mahanap si Guo.
Sa ngayon mahigpit na nakikipag-ugnayan ang PNP sa National Bureau of Investigation (NBI), maging sa Department of Justice (DOJ) kaugnay ng paghahanap kay Guo.
