Gipaniguro ni Philippine National Police Chief General Benjamin Acorda Jr. nga mahatagan og hustisya ang kamatayon sa usa ka police corporal sa Bukidnon.
Sumala sa PNP Chief nga mimando na kini sa pagpadayon o pagpalalom sa imbestigasyon sa gi-ingong pagpatay kang Police Corporal Jeffrey Dabuco nga na-assigned sa Regional Mobile Force Battalion 10 sa Kalilangan, Bukidnon ug napalgan wala na’y kinabuhe sa suba sa Wao, Lanao del Sur.
Dugang sa labaw sa PNP nga himuon nila ang tanan lakang aron mahibal-an ang kamatuoran sa kamatayon sa nahisgutang pulis, ilabi na nga dunay mga pulis nga gi-ingong nalambigit niini.
Kahibaloan nga duna nay gitukod nga legal team nga maoy nitutok sa imbestigasyon, diin sa napulo ka pulis nga gikonsiderang Person of Interest, usa niini ang napasakaan na sa kasong murder, samtang gihikay nasab karon ang administratibong kaso batok sa mga akusado nga gilangkuban sa ranggo nga usa ka Lieutenant, ug usa ka Patrolman, ug ang uban ihap polus mga Corporal. (CLP)
