KALIBO, AKLAN — Bumisita kara nga hapon sa Kalibo PNP si Philippine National Police Chief Police General Guillermo Lorenzo Eleazar.
Nag abot sa Kalibo PNP si Eleazar bandang ala 1:15 it hapon ag insigida karang gintan-aw ro kabilugan it estasyun kung raya baea hay malimpyo.
Gintan-aw man it PNP Chief ro kada departamento sa sueod it Kalibo PNP.
Nagbuhay eamang it mga 20 minutos sa Kalibo PNP si Gen. Eleazar nga insigida man nga dumiretso sa Aklan Police Provincial Office (APPO) sa Camp Pastor Martelino, New Buswang, Kalibo, Aklan.
Kaeakip sa highlights it pagbisita it PNP Chief sa Aklan hay ro pag-award sa mga deserving nga PNP personnel. / ANN DESLENE SALAZAR
