Muling nagpaalala ang PNP- Aviation Security Group sa publiko patungkol sa bomb joke.
Ito’y makaraang maaresto ang isang 65-anyos na Filipino-Canadian matapos magsabing “GRANADA LANG NAMAN LAMAN NIYAN,” nang i-check in ang kanyang bagahe /sa Ninoy Aquino International Airport Terminal 1 nitong April 10.
Ayon kay PNP AVSEGROUP Director, PBGen Christopher Abrahano, agad na nagsagawa ng paneling sa kanyang mga bagahe ang EOD/K9 team bilang parte ng security procedures at napatunayan na walang explosives o bomba sa kanyang bagahe.
Agad na dinala sa NAIA Police Station 1 ang naturang indibidwal at posibleng maharap sa kasong paglabag sa PD 1727 o Anti-Bomb Joke Law.