KATULO nagbunot alang sa libre nga Ultrasound ug ang palaran mao si Judy Ann Bardago, 25-anyos gikan sa Barangay Bula nga nasurprisa malipayon sa iyang nadawat
Ang nakadawat sa usa ka libo ka pesos mao si Jennelyn Reyes nga nagpasalamat sa Ginoo gumikan sa iyang nagadaugan,nasabtan na usab daw nila karon ang pulong stunting
Ang Nutrition Program Coordinator sa City Health Office nga si Imelda Silvero nagpahinumdom gayod sa mga butang nga angay buhaton sa mga inahan sama sa breastfeeding kon manganak na
Samtang ang pag amoma sa bata nagsugod sa dihang anaa pa sa sabakan sa inahan mao nga mahinundanon ang saktong nutrisyon sa inahan ug mga bitamina
Nangatawa usab ang mga inahan sa ilang nasaksihan nga sayaw sa Brigada Angels ug sa lima ka mga inahan nga wala usab nagpalupig sa pagsayaw.
Ang tanan mga mabdos nakadawat og infant kits, libre nga arrozcaldo, tubig ug uban pa nga giveaways gikan sa mga sponsors
Kahibaluan nga ang End Stunting Activity sa Brigada Gensan ginahimo sa Family Planning unit sulod sa Dr. Jorge P. Royeca Hospital sa matag adlaw nga Miyerkules. I Ver Diazon
