Naghahanda na rin ang grupong PISTON ng transport strike upang kondenahin ang naging anunsyo ni Pangulong Bongbong Marcos na tuloy ang Public Transport Modernization Program.
Ngayong araw ay muling nagsagawa ang grupo ng kilos protesta sa tanggapan ng LTFRB sa Quezon City upang ipanawagan na payagan pa rin silang makabiyahe at ibalik ang kanilang 5-taong prangkisa.
Ayon kay PISTON National President Mody Floranda, magkakasa sila ng mga serye ng kilos protesta hindi lamang sa NCR kundi sa buong bansa.
Sa ngayon ay wala pang schedule ang kanilang transport strike pero nakikipag ugnayan na siya kay MANIBELA Chairman Mar Valbuena.
