NAKAIKYAS sulod sa Sarangani Provincial Jail sa Baluntay, Alabel ang usa ka piniriso nga dunay kasong may kalabutan sa gidiling droga.
Giila ni PMajor Wesley Matillano, hepe sa Alabel, Municipal Police Station ang nakaikyas nga si Ariel Cawatil, 31-anyos, taga-Baliton, Glan sa maong probinsiya.
Sa report gikan sa presinto, Hulyo 15 ning kasamtangang tuig dihang gisugo si Kawatil nga manglimpyo ug gipakuha og kahoy.
Apan dihang nakakita og tyansa giikyasan sumala pa niini ang mga gwardiya ug midagan padulong sa kakahoyan.
Nabiyahe sa provincial jail si Cawatil gikan sa Glan Municipal Police Station atong Marso 21, 2021.
Samtang dili pa usab makahatag og opisyal nga pamahayag si Manuel Sales, jail warden tungod sa nagpadayong ‘manhunt’ operation.
