Kapin tunga sa milyon nga kantidad sa droga ang nakumpiska sa mga sakop sa Task Group Lawin sa Task Force Davao ug Bunawan PNP gikan sa usa ka lalaking nakakotse sa Lasang checkpoint adlawng Sabado alas 5:30 sa buntag.
Sa report gikan kang Captain John Luie Dema-ala, spokesperson sa Task Force Davao, gikan sa Agusan del Norte sakay sa Honda Civic sedan ang suspek nga giilang si Archie Pitogo Silaga, 30-anyos, residente sa Purok 13B San Vicente, Butuan, Agusan del Norte pasulod unta sa Davao City.
Apan dihang giinspeksyon sa mga sakop sa TF-Davao ang sakyanan sa suspek nakuhaan kini og usa ka dakong pakete sa gitoohang shabu nitimbang og 40 gramos gibana-banaang mokantidad og P640,000.00
Tungod niini gidayeg ni TFD commander Colonel Darren Comia ang mga sakop tungod sa pagpatuman sa hugot nga seguridad sa tanang mosulod sa syudad katambayayong ang mga sakop sa Bunawan Police Station. BNFM-DAVAO
