Nagahimo makarun it pamaagi ro Department of Tourism (DOT) para himuon nga halal-friendly ro isla it Boracay para maka engganyo it mas maabung Muslim nga turista.
Suno kay Tourism Secretary Christina Frasco, gusto it nasyun nga mag-tap sa billion-dollar Halal tourism industry, bangud nagaabo eon ro demand para sa Muslim-friendly activities ag amenities.
Ginhayag ni Sec. Frasco sa media sa Bandar Seri Begawan, Brunei, nga nakikipag-istorya eon segun sanda makarun sa lokal nga pamunuan it Boracay ag DOT agud magsabat sa hinyo it andang mga ambassador nga mag offer it Halal-friendly nga turismo sa Boracay. // ANN DESLENE SALAZAR