Gipusil-patay ang usa ka pildidong kandidato pagka-Kagawad sa Purok Rambutan, Brgy. Datu Abdul Dadia, Panabo City pasado-alas 6:00 kagabii.
Giila ang biktima nga si Acmad Mama Razul, 58-anyos, nga residente sa nasangpit nga lugar, nga midagan sa miaging eleksiyon pagka-Barangay kagawad apan napildi.
Kaubang kandidato sa biktima ang midaug nga Kapitan sa Barangay Datu Abdul Dadia nga si Paul Albert Saquian nga bag-ohay lamang usab gipusil-patay.
Sa inisyal nga imbestigasyon, human og panihapon, nigawas si Razul aron nga mag-CR apan kalit nalamang nga mibusikad ang mga buto sa armas, ug ang suspek paspas nga misibat sakay sa motorsiklo.
Gitabang pa sa mga doktor sa Panabo Polymedic Hospital si Razul, apan gideklara kining dead on arrival.
Padayon karon ang gihimong imbestigasyon sa kapulisan sa Panabo kung unsay motibo sa nahitabong pagpamusil.
