Umalboroto ru pilang ka mga rice retailers sa Kalibo Public Market dahil sa uwa makabaton it ayudamapatos nga pumaguwa it Executive Order NO.39 o Price Ceiling.
Sa interview it BRIGADA News FM Kalibo kay Mrs. Chelsa Vidar, rice retailer, nadismaya sanda matapos nga gin turo-turo sa taeatapan it DSWD ag DTI.
Aminado si Vidar nga sa sueod it 9 nga adlaw hay nalugi imaw it P20K rason nga maka piyan-piyan sa kaperdihan nga gina tao it gobyerno nga P15k.
Naga kangawa si Vidar bangud may gina buytan man imaw n a permit bilang rice retailer apang uwa it may gin baton nga ayuda.
Gin hinyo man it negosyante ru bulig ni Kalibo Mayor Juris Sucro nga maipaabot sa taeatapan it Office of the President ru andang hinaing nga mga retailers nga uwa naka baton it ayuda.
Uwa sigun it kaeooy ru Department of Trade and Industry (DTI) sa mga kapareho kanda nga mga retailers.//MARIVIC Y. ILIN
