May pilang estudyante it Madalag National High School sa banwa it Madalag, Aklan ro ginasugid nga ginsaniban.
Sa interview it Brigada News FM Kalibo sa albularyo nga si Mr. Rafy Nahil, sambilog sa mga sinapian hay gindaea kana agud ipabueong.
Nakita segun nana ro unga nga maeuya ag nagapiniyong eang ag kat anang pulsuhan hay nakasueod eon segun ro elemento sa eawas it unga rasun nga ginamitan nana raya it spiritual healing hasta sa nakarekober raya.
Base segun sa sugid it unga, nakapungko raya sa sangka puno it kahoy ag posibleng may nasipa raya nga mga elemento ag dugang pa nga nagbukas ro third eye it unga suno kay Nahil.
Nasayuran nga ku Friday the 13th hay may pila man ka estudyante ro ginsaniban. // ANN DESLENE SALAZAR
